قرآن حکیم پہ اقبال ؒ کےمنتخب اشعار

1-    رموزِ بنخودی

’’میں بادشاہوں کی عظمت اور دبدے کا غلام نہیں -میری گزارش یہ ہے کہ جو دعویٰ پیش کررہا ہوں، اس کا فیصلہ قرآن مجید کے حکم کے مطابق کیا جائے‘‘-

’’حق یہ ہے کہ قرآن مجید کے نزدیک آقا اور غلام کی حیثیت ایک ہے-چٹائی پر بیٹھنے والے درویش اور اطلس کی گدی کو زینت دینے والے بادشاہ میں کوئی فرق نہیں-

’’جب خلافت نے قرآن مجید سے تعلق توڑ لیا، حریت (آزادی) کے حلق میں زہر ڈال دیا گیا-

’’ہم نے قرآن مجید کی رمز امام حسین ؓ سے سیکھی ہے اور انہیں کی روشن کی ہوئی آگ سے شعلے جمع کرتے رہے ہیں –

’’رسول اللہ (ﷺ) کی تعریف تو خود قرآن میں آئی ہے-خدا نے آپ(ﷺ)سے حفاظت جان کا وعدہ کر لیا تھا‘‘-

’’ (اے مسلم) کیا تجھے معلوم ہے کہ تیرا آئین کیا ہے؟ اور اس آسمان (دنیا) کے نیچے تیرا قیام اور تیری قدر اور عزت کا راز کیا ہے؟ ہا ں تیرا دستور وہ زندہ کتاب ہے جو قرآن حکیم کے نام سے معروف ہے، اس کی حکمتیں ابتدائے آفرینش سے مسلّم چلی آرہی ہیں اور انہیں کبھی زوال نہ آئے گا- قرآن مجید ایک ایسی کتاب ہے جو زندگی کے وجود پذیر ہونے کے راز بتاتی ہے، اس کی قوت سے ناپائیدار/ فانی بھی پائیداری/بقاحاصل کرلیتی ہے‘‘-

’’جب قرآن مجید کی حرارت سے عرب کے دل میں تڑپ پیدا ہوتی تو اس کی بے قرار موج میں اسی طرح آسودگی پیدا ہوگئی جس طرح موتی میں آب و تاب کی موج آسودہ ہوتی ہے- اس نے قرآن مجید کی روشن آیتوں کا سبق لیا-وہ خدا کے سامنے غلام آیا تھا آقا بن کر رخصت ہوا‘‘-

’’اگر تم مسلمان کی حیثیت سے زندہ رہنا چاہتے ہوتو یاد رکھو ایسی زندگی قرآن کے بغیر نصیب نہیں ہو سکتی‘‘-

’’اے مسلمان! قرآن مجید کا تجھ پر حق ہے کہ تو اس کی تلاوت کرے اور تو جو مقصد حاصل کرنا چاہتا ہے اسی سے حاصل کر(یعنی تیری ہر ضرورت قرآن مجید سے پوری ہوسکتی ہے)

’’اے ملت! اللہ تعالیٰ کی کتاب یعنی قرآن مجید تیرے بغل میں یعنی پاس ہے-اس کے نور سے فائدہ اٹھا اور عمل کے میدان میں چلنا شروع کر دے‘‘-

’’جانتا ہے کہ تو کیوں ذلیل ہوا؟ تیری ذلت کا اصل سبب یہ ہے کہ تونے قرآن کو چھوڑ دیا اور زمانے کی گردش کے شکوے کرنے لگا-اے شبنم کی طرح زمین پر گرنے والے! تیرے پاس ایک زندہ کتاب قرآن مجید کی شکل میں موجود ہے تو اس سے زندگی کا سبق لے‘‘-

’’یہ مرچکے تھے ،میں نے انہیں آب حیات کی باتیں سنائیں اور قرآن کے بھیدوں میں سے ایک بھید انہیں بتایا کہ شاید یہ پھر زندگی سے بہرہ ور ہو جائیں‘‘-

’’اگر میرے دل کا آئینہ جوہروں سے خالی ہے،اگر میری باتوں میں قرآن مجید کے سوا بھی کچھ ہے تو حضور  والا!آپ(ﷺ)کی روشنی تمام زمانوں کیلئے صبح کا سر و سامان ہے اور آپ کی آنکھ سینے کے اندر کی سب چیزیں دیکھ رہی ہے-آپ میری فکر کی عزت و حرمت کا پردہ چاک کردیجئے اور ایسا انتظام فرمائیے کہ میرے کانٹے سے پھولوں کی یہ کیاری پاک ہو جائے‘‘-

’’اگر میں نے صرف قرآنی اسرار کے موتی پروئے ہیں اور مسلمانوں کے سامنے سچی باتیں کہی ہیں تو حضور (ﷺ) والا! آپ کا احسان ہر بے حیثیت کو صاحب حیثیت بنا دیتا ہے- میں نے جو کچھ کہا،اس کے بدلے میں صرف آپ کی دعا کافی ہے‘‘-

’’رسول اللہ (ﷺ) جو کتاب لائے یعنی قرآن مجید وہ بندہ مومن کے دل کیلئے قوت و استحکام کا سامان ہے اور جو حکیمانہ ارشادات حضور (ﷺ) کی زبان مبارک پر جاری ہوئے انہیں ملت کی زندگی میں شہ رگ کی حیثیت حاصل ہے‘‘-

2-جاوید نامہ

’’ہم خاکیوں یعنی انسانوں کی کشتی ملاح کے بغیر ہے-کوئی نہیں جانتا کہ قرآن کریم کا جہان کہاں ہے‘‘-

’’اے (وہ شخص) تو جو افرنگی کی بے جا قسم کی پیروی کا غلام بنا ہوا ہے اس سے آزاد ہوجا-قرآن کریم کا دامن تھام اور صحیح معنوں میں آزاد ہوجا ‘‘-

’’شیطان کو مارنا مشکل کام ہے کیونکہ وہ دل کی گہرائیوں میں گم ہے- بہتر یہی ہے کہ تو اسے مسلمان کرلے اور قرآن کریم کی تلوار سے قتل کر دے‘‘-

’’قرآن کریم کی حفاظت تیرا آئین (دستور) ہے اور حق بات کو واضح طور پر بیان کرنا تیرا دین ہے‘‘-

’’قرآن کی منزل اور اس کا مقصود اور ہے -مسلمان کے رسم و آئین اور ہیں -(آج کا مسلمان قرآن اور اس کی تعلیمات سے دور ہوتا جا رہا ہے)-اس کے دل میں جلا دینے والی آگ نہیں ہے- (جو باطل کو جلا دے) اور حضرت محمد مصطفےٰ(ﷺ) اس کے سینے میں زندہ نہیں ہیں-اس کے دل میں حضور اکرم (ﷺ) کی محبت نہیں رہی- بندہ مومن نے قرآن سے فائدہ نہیں اٹھایا-میں نے اس کے پیالے میں نہ تو شراب ہی دیکھی ہے اور نہ تلچھٹ ہی دیکھی ہے‘‘-

’’قرآن کے بغیر شیری بھی لومڑی پن ہے اور قرآن کا فقر اصل شہنشاہی ہے-قرآن کا فقر ذکر اور فکر کا اختلاط ہے ،میں نے ذکر کے بغیر فکر کو کامل (مکمل) نہیں دیکھا‘‘-

’’قرآن کیا ہے؟ قرآن قابض وڈیرہ کیلئے موت کا پیغام ہے اور بے ساز وسامان یا مفلس غلام کا مددگا ر ہے‘‘-

’’جب قرآن کا نقش اس جہاں پر ثبت ہوا تو برہمنوں اور پادریوں کے نقش مٹ گئے-میرے دل میں جو کچھ پوشیدہ ہے میں واضح طور پر بیان کرتا ہوں ،اور وہ یہ ہے کہ یہ(قرآن ) کوئی کتاب نہیں ہے،کچھ اور ہی چیز ہے‘‘-

’’ہماری محفل شرب اور ساقی کے بغیر ہے ،مگر قرآن کے ساز کے نغمے اپنی جگہ برقرار ہیں‘‘-

’’اگر اللہ تعالیٰ اسے (قرآن کریم کو) ہمارے سامنے سے اٹھالے تو وہ اسے کسی اور قوم کے سامنے رکھ دے گا‘‘-

’’میں اس دن سے ڈرتا ہوں کہ مسلمانوں کو قرآن سے محروم نہ کردیا جائے اور مولا کریم اپنے عشق کی آگ کسی اور کے دل پر نہ ڈال دے‘‘-

’’(آج کے) مسلمانوں کے سینے قرآن کی حرارت سے خالی ہو  گئے، ایسے لوگوں سے بہتری یا بھلائی کی کیا امید کی جا سکتی ہے‘‘-

’’(عجیب بات ہے کہ) مسلمان صاحب قرآن ہوتے ہوئے (قرآن مجید کا حامل) بھی طلب کے ذوق سے محروم ہے، یہ تو بڑی عجیب بات ہے (تعجب ہے،دوبارہ تعجب ہے اور سربارہ تعجب ہے)‘‘-

’’اے نکتہ کو پا جانے والے عزیز ! مرد مومن کے لیے قر آن، تلوار اور گھوڑے کے سوا ہوتا بھی کیا ہے ‘‘-

’’جب میں نے اپنی آنکھوں سے رازی (کی تفسیر) کا سرمہ دھو ڈالا تو میں نے قوموں کی تقدیر (راز) کتاب (قرآن) کے اندر چھپی دیکھی‘‘-

’’آج دین حق کافری سے بھی زیادہ رسوا ہو چکا ہے کیونکہ ہمارا ملُاّ کافر گر مومن ہے ‘‘-

’’اس قرآن فروش (فسادی ملاں) کی عجیب و غریب باتوں سے میں نے روح الامین جبرئیل کو واویلا کرتے دیکھا ہے ‘‘-

’’آج کے ملُا کا دل آسمان سے دوسری طرف کی دنیا سے بیگانہ (ناآشنا) ہے-اس کے نزدیک قرآن پاک محض ایک افسانہ ہے‘‘-

’’مدرسہ اور ملا اور قرآن کے اسرار کچھ اس طرح ہیں جیسے کوئی مادر زاد اندھا اور سورج کی روشنی ہو‘‘-

’’تو قرآن کریم کی روشن آیات سے دوبارہ دل لگا تاکہ تو عصرِ حاضر کو کمند میں گرفتار کر سکے ‘‘-

’’کوئی بھی کتاب (قرآن کریم) کے رازوں سے آگاہ نہیں ہے - اسی لیے کیا اہل مشرق اور کیا اہل مغرب سبھی الجھاوَ میں پڑے ہوئے ہیں ، گمراہ ہیں‘‘-

’’اس کی آیات میں سینکڑوں نئے جہان موجود ہیں - اس مرد مومن کے زمان میں بہت سے ادوار مضمر ہیں‘‘-

’’قرآنِ کریم کی آیات میں موجود جہانوں میں سے دورِ حاضر کے لیے ایک ہی جہان کافی ہے- اگر تیرے سینے میں معنی رس دل ہے تو وہ جہان لے لے‘‘-

’’جب کوئی جہان اس کے پہلو میں پرانا ہو جاتا ہے تو قرآن کریم اسے ایک اور نیا جہان عطا کر دیتا ہے ‘‘-

3-پیامِ مشرق

’’آپ کُل (موجودات)  کے سردار اور صاحب ام الکتاب ہیں جن کے قلب (دل) پر چھپی ہوئی چیزیں آشکار ہیں ، پوشیدہ باتیں ظاہر ہیں ‘‘-

4-پس چہ باید کرد اے اقوامِ شرق

’’فقر کا سامان قرآن عظیم ہے-مرد درویش گودڑی میں نہیں سماتا‘‘-

’’قرآن کا فقر کائنات کا احتساب ہے،کوئی ساز و آواز،  بدمستی اور رقص و سرود کا نام نہیں ہے‘‘-

’’تو جو قرآن کریم پر فخر کرتا ہے،کب تک حجرے کو اپنا ٹھکانا بنائے رکھے گا‘‘-

’’میرے سانس میں جگر کا سوز باقی نہیں رہا-صبح کے وقت تلاوت قرآن کا لطف بھی جاتا رہا‘‘-

’’کچھ دیر کیلئے قرآن کریم اور حدیث کے اندر گم ہو جا پھر اے نادان اپنی ذات کے اندر بغور جھانک‘‘-

’’سوائے قرآن کریم کے کوئی اور میرا غمگسار نہ تھا –اس کی طاقت نے مجھ پر (کامیابی کے) تمام دروازے کھول دئیے‘‘-

’’قرآن کریم میں ابھی سینکڑوں جہان باقی ہیں-تو ذرا اس (قرآن) کی آیات کے سوز سے گرمی حاصل کر (خود کو جلا تو سہی)‘‘-

’’ہمارا اثاثہ حیات قرآن کریم اور حکمت ہے –انہی دو قوتوں سے ملتِ اسلامیہ کا وقار اور بھرم ہے‘‘-

’’اگر تو حیاتِ ابدی کی خواہش رکھتا ہے تو قرآن کریم سے استفادہ کر میں نے اس میں آب حیات دیکھا ہے‘‘-

’’میں نے قرآن پاک کے سمندر سے موتی نکال کر اپنے کلام میں پرویا ہے -میں نے اللہ تعالیٰ کے رنگ کے راز کی تفسیر بیان کی ہے‘‘-

5-ارمغانِ حجاز

’’(اے مسلمان) رازی سے قرآن کی حکمت سیکھ، اس کے ( علم کے) چراغ سے (اپنا ) چراغ روشن کر‘‘-

’’اس (آج کا مسلمان) کی نیام اس کی جیب کی طرح خالی ہے- یعنی نہ اس کی جیب میں پیسہ ہے اورنہ اس کی نیام میں تلوار ہے - اور اس کی کتاب (قرآن) ویران گھر کے طاق میں رکھی ہوئی ہے‘‘-

’’اے مسلمان تو صوفی و ملا کی زنجیروں میں قید ہے - قرآن کی حکمت سے زندگی حاصل نہیں کرتا ‘‘-

’’تجھے اس کی آیتوں سے اس کے سوا کوئی سروکار نہیں کہ اس کی سورہ یٰسین سے تو بآسانی مر سکے‘‘-

6-اسرارِ خودی

’’ اے مسلمان! تو قرآن کریم کی حکمت کا امانت دار ہے تو اپنی گم گشتہ وحدت کو پھر سے پا لے/ حاصل کر لے ‘‘-

7-بانگِ درا

8-بالِ جبریل

9-ضربِ کلیم

سوشل میڈیا پر شِیئر کریں