کلاسیک اردو شعراء کے کلام میں تذکرہ امام حسین(رضی اللہ عنہ)

کلاسیک ادب اردو زبان میں سنگ میل کی حیثیت رکھتا ہے-کلاسیک ادب نے اردو زبان پر ایسے گہرے نقوش چھوڑے ہیں کہ آج کا قاری اساتذہ کی فکر اور اسلوب کا مطالعہ کر کے مبہوت رہ جاتاہے-اساتذہ کے کلام میں زبان دانی کے ایسے شاہکار نمونے موجود ہیں جن کو دنیا کی دوسری بڑی زبانوں کے ادب کے برابر رکھا جا سکتا ہے- کلاسیک ادب میں غزل کا میدان بے حد زرخیز اور وسیع ہے- غزل کی خوبصورتی یہ ہے کہ اس نے ہر قسم کے موضوع کو اپنے دامن میں پناہ دی ہے- انہی موضوعات میں سے ایک بڑا، نمایاں اور کامل ترین موضوع شان امام حُسین (رضی اللہ عنہ) و بیانِ واقعاتِ کرب و بلا ہے- اردو ادب کی روایت میں شاید ہی کوئی ایسا شاعر گزرا ہو جس نے اپنے کلام استعاروں یا موضوعات میں امام حُسین یا اہل بیت اطہار(رضی اللہ عنھم) کا تذکرہ نہ کیا ہو-دلچسپ حقیقت یہ ہے کہ کلاسیک شعراء نے کئی اصناف میں امام حسین (رضی اللہ عنہ) کو خراج عقیدت پیش کیا-جس میں قصیدہ، قطعہ، رباعی، سلام، مثنوی، غزل اور سب سے زیادہ مرثیہ کی ہیئت میں کلام لکھا گیا-اس سارے عہد میں زبان دانی عروج پر تھی شعراء تو درکنار عام سامعین بھی زبان دانی کا اور شعر فہمی کا خصوصی ملکہ رکھتے تھے- بارگاہ امام حسین(رضی اللہ عنہ)  میں خراج عقیدت کی بڑی وجہ عقیدت اور محبت کا رنگ بھی ہے- جن چنیدہ شعراء کے اشعار کا انتخاب ہم نے اپنے اس مضمون میں شامل کیا ہے ان کی تفصیل اگلی سطور میں آئے گی- اردو غزل میں موضوعات اور فکر کے حوالے سے سعید عباس سعید کا نقطہ نظر ملاحظہ ہو:

’’اردو غزل کی دنیا احساس کی دنیا ہے، جذبات کی دنیا ہے اور کوئی بھی حساس اور گداز دل واقعہ کربلا سے متاثر ہونے سے خود کو نہیں روک سکتا- اُردو غزل میں ذکر کربلا کے حامل اشعار کو اگر جمع کیا جائے تو ایک اچھی خاصی ضخیم کتاب وجود میں آ جائے- اُردو غزل جوں جوں ترقی کرے گی ذکر حسینؓ و بیان کربلا کی ایسی مثالوں میں توں توں مزید اضافہ ہوتا جائے گا‘‘-[1]

میر تقی میر (المتوفی 20 ستمبر 1810ء) اردو زبان کے واحد ایسے شاعر ہیں جنہیں خدائے سُخن کہا جاتا ہے-میرؔ اردو غزل کے بڑے شعراء میں شمار ہوتے ہیں جن کے بارے میں ناسؔخ کے فتوے پر غالؔب کی مُہرِ تصدیق موجود ہے کہ’’آپ بے بہرہ ہے جو معتقدِ میؔر نہیں‘‘- میر تقی میرؔ کے ہاں امام حسین (رضی اللہ عنہ) کی محبت اور عقیدت کا پہلو بہت الگ اور نکھرا ہوا نظر آتا ہے-میرؔ نے امام حُسین(رضی اللہ عنہ)  کی پیاس، آپ (رضی اللہ عنہ)  کے صبر اور آپ(رضی اللہ عنہ)  کے سجدہ شکر کا ذکر کیا ہے جس کی مثالیں عملی طور پر ان کے اشعار میں موجود ہیں-

محمد طفیل احمد مصباحی کی میر تقی میرؔ کی قصیدہ گوئی کے حوالے سے رائے ملاحظہ ہو:

’’کلیاتِ میر میں چوتھا قصیدۂ منقبت سید الشہداء حضرت امام حسین (رضی اللہ عنہ)کی مدح و ثنا میں ہے ، جو 52 اشعار پر مشتمل ہے - میر صاحب نے اس منقبت میں امام عالی مقام کی شایانِ شان توصیف ، ان کی ہمت و شجاعت ، درد ناک شہادت ، نیز ان کی خاکِ در کو ’’کحلِ جواہر الابصار ‘‘ اور روضۂ پاک سے نکلنے والی شعاؤں کو شبِ تاریک کے لیے موجبِ ذلت گردانا ہے‘‘-[2]

جس قصیدہ کا اوپر ذکر ہوا ہے اس کے کچھ اشعار:

مرزا رفیع سوداؔ (متوفی:1781) کلاسیک شعراء میں غزل اور قصیدہ گوئی دونوں حوالوں سے جانے جاتے ہیں- ان کا آبائی پیشہ تیغ آزمائی تھا- سوداؔ نے مرثیے بھی لکھے ہیں اردو ادب کے معروف مورخ  و محقق ڈاکٹر سلیم اختر کے بقول سوداؔ نے 91 مرثیے لکھے ہیں-اُن کے ہاں مدحتِ امام عالی مقام کس رنگ میں جلوہ گر ہے ان کے مرثیہ سے عملی مثال دیکھیں-

کلاسیک شعرا میں اپنی الگ پہچان اور نمایاں اسلوب کے طور پر جانے والے ایک اور اہم شاعر غلام ہمدانی مصحفیؔ (متوفی:1824) ہیں-مصحفیؔ نے غزل کے آٹھ دیوان چھوڑے ہیں-مصحفیؔ ایک جگہ پہ امام حُسین (رضی اللہ عنہ) کی شان بیان کرتے ہوئے اپنا رنگ عقیدت کچھ اس انداز میں بیان کرتے ہیں-

شیخ امام بخش ناسخؔ (متوفی 15 اگست 1838) کلاسیک ادب میں نویکلے لہجے کے شعراء کے طور پر شمار ہوتے ہیں- ان کی شاعری میں سادگی اور روانی کے ساتھ ساتھ گہرا فلسفہ بھی بین السطور موجود ہے- ناسخ کا عقیدہ یہ ہے کہ غم شبیر میں اشک بہائے بغیر میں خدا کی بارگاہ میں کیسے جاؤں گا- شعر میں عقیدت کا رنگ دیکھئے-

خواجہ حیدر علی آتش (متوفی 13 جنوری 1847ء) کلاسیک شعر و ادب میں ممتاز اور منفرد غزل گو کے طور پر جانے جاتے ہیں- ان کی غزل کا نمایاں پہلو رجائی انداز بیان ہے-ان کی غزلیات میں کئی جگہوں پر ایسے اشعار ملتے ہیں جو براہ راست امام حسین (رضی اللہ عنہ) کی محبت اور عقیدت کے عکاس ہیں- آتش کا شعری وفور اور ذوق اس بات کا اظہار کرتا ہے کہ امام حُسین  (رضی اللہ عنہ) کے دشمن سے کنارہ کشی اختیار کرو- ان کے کلام سے چند مثالیں پیش خدمت ہیں:

بہادر شاہ ظفرؔ (متوفی 7 نومبر 1862ء) آخری مغل بادشاہ تھے- اردو شعر و ادب سے گہری دلچسپی ان کی شخصیت کی آئینہ دار تھی- بہادر شاہ ظفرؔ خود بھی باکمال شاعر تھے- ان کا یہ شعر دیکھیں:

شیخ ابراہیم ذوقؔ (متوفی 15 نومبر 1854ء) کو خاقانئ ہند بھی کہا جاتا ہے- بہترین فکرِ سخن اور اسلوب بیان ان کی شاعری کا خاصہ ہے- شیخ ابراہیم ذوقؔ غالبؔ کے ہم عصر بھی تھے اور شاہی دربارسے بھی وابستگی رہی- ان کے ہاں بارگاہِ امام حُسین(رضی اللہ عنہ) سے عقیدت کا نرالا انداز ملاحظہ ہو:

مرزا اسد اللہ خاں غالبؔ (متوفی 15 فروری 1869ء) کا اردو زبان و ادب کے عظیم شعراء میں شمار ہوتا ہے- جن کے کلام کی خوبی مفرس لہجہ و گہرا فکر و فلسفہ ہے-غالبؔ کے کلام میں امام عالی مقام(رضی اللہ عنہ) سے محبت کا انداز ملاحظہ ہو:

اردو دُنیا فنِ مرثیہ گوئی میں میر انیسؔ (متوفی 10 دسمبر 1874ء) کو سب سے معتبر حوالہ کے طور پر جانتی ہے- میر انیسؔ کے ہاں منظر نگاری، تراکیب، تلمیحات، فنی ہنر مندی اور استعارات کا استعمال اپنے جوبن پر نظر آتا ہے- میر انیسؔ کی منظر نگاری کا یہ کمال ہے کہ دوران مطالعہ ایسے محسوس ہوتا ہے جیسے یہ سارا واقعہ آنکھوں کے سامنے ہو رہا ہے- میر انیسؔ کے مرثیہ سے سینکڑوں مثالیں دی جا سکتی ہیں لیکن یہاں اختصار کو مد نظر رکھتے ہوئے ایک بند کافی ہے -

میر انیسؔ کی مرثیہ گوئی کے ضمن میں شبلی نعمانی کی رائے بہت اہمیت کی حامل ہے:

’’شاعری درحقیقت مصوری ہے- ایک درخت کی تصویر کھینچنی ہو تو کسی قسم کی تخیل اور دیدہ وری کی ضرورت نہیں، ٹہنیاں، پھل، پھول، پتے سب سامنے ہیں اور ہر شخص ان کو محسوس کرسکتا ہے- لیکن رنج، غم، جوش، محبت، غیظ، بیقراری، بیتابی، مسرت، خوشی، محسوس اور مادی چیزیں نہیں ہیں، آنکھ ان کو محسوس نہیں کرسکتی، البتہ دل پر ان کا اثر ہوتاہے- لیکن یہ اثر سب پر یکساں نہیں ہوتا، اس لیے ان کی ہو بہو اور اصلی تصویر اتارنا مشکل ہے-میر انیس کا اصل جوہر یہیں پر کھلتاہے-میر انیس کے مرثیوں میں نہایت کثرت سے ان جذبات کا اور ان کے مختلف مدارج کا ذکر ہے، لیکن جس جگہ جس چیز کو لیا ہے اس کمال کے ساتھ اس کی تصویر کھینچی ہے کہ پورا نقشہ آنکھوں کے سامنے پھرجاتا ہے‘‘-[3]

میر انیسؔ کے ہی ہم عصر مرثیہ کے ایک اور اہم اور فقید المثال شاعر کا نام مرزا سلامت علی دبیرؔ (متوفی مارچ 1875ء)  ہے- فنی چابکدستی اور قادر الکلامی سے لبریز اس شاعر نے بھی لازوال مرثیے لکھے ہیں- چند مثالیں دیکھیں:

مومن خاں مومنؔ (متوفی 14 مئی 1852ء) کلاسیک ادب میں بطور غزل گو اپنی الگ شناخت رکھتے ہیں- وہ طب، نجوم، رمل،موسیقی، شطرنج اور عملیات کے ماہر تھے- ان علوم و فنون کی گونج ان کی شاعری میں بھی سنائی دیتی ہے، دہلی کے کارزارِ فکر میں سید احمد شہید کے زبردست حامی و مؤیّد تھے - بارگاہ امام حُسین (رضی اللہ عنہ) میں محبت و عقیدت کا انداز بھی مومن نے جدا پایا ہے-

اردو ادب کے مورخین اور نقادوں کے مُطابق کلاسیک ادب کا آخری اور اہم ترین شاعر داغؔ دہلوی (متوفی 16 فروری 1905ء) ہے- یہ وہی داغؔ دہلوی ہیں جن سے شروع میں اقبالؔ نے شاعری میں اصلاح لی- داغؔ دہلوی کی غزل سادہ رواں اور خوبصورت اسلوب کی حامل ہے- داغ کے ہاں اکثر و بیشتر اشعار ایسے ہیں جن میں بارگاہ امام حسین (رضی اللہ عنہ)  میں عقیدت اور محبت کا رنگ جھلکتا ہے-

امیر مینائی (متوفی 13 اکتوبر 1900ء) کا سلسلہ نسب حضرت عباس بن عبدالمطلب (رضی اللہ عنہ)  سے ملتا ہے- منطق، فلسفہ، فقہ ،اصول فقہ اور علم جفر میں مہارت حاصل کی- امیر مینائی اردو ادب میں اپنی نمایاں شناخت رکھتے ہیں- ہدیہ عقیدت ملاحظہ ہو:

یہ وہ چنیدہ شعراء ہیں جن کا ہم نے موضوع کی مناسبت سے اپنے مضمون میں جامع طور پر ذکر کیا- ان شعراء کے علاوہ بھی کلاسیکی ادب میں درجنوں ایسے نام موجود ہیں جن کے کلام میں ہدیہ عقیدت بارگاہ امام حُسین (رضی اللہ عنہ) شد و مد کے ساتھ ملتا ہے-  حضرت علامہ اقبال کے اشعار پہ اختتام کرتے ہیں:

٭٭٭

سوشل میڈیا پر شِیئر کریں